Atyraýda jol apatynan kámeletke tolmaǵan júrgizýshi mert boldy
ATYRAÝ. QazAqparat – Atyraý oblysynda jol apatynan kámeletke tolmaǵan júrgizýshi mert boldy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, jol apaty búgin, 6 tamyzda saǵat 5:00 shamasynda bolǵan.
«Atyraý - Dossor» baǵytyndaǵy jol boıynda 52 jastaǵy azamat basqarǵan «KamAZ» ben 17 jasar bozbala júrgizgen «VAZ-21015» kóligi soqtyǵysqan. Jol-kólik oqıǵasynan kámelet jasyna tolmaǵan júrgizýshi mert boldy», -dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty QR Qylmystyq Kodekstiń 345-babynyń 3-bóligimen sotqa deıingi tergeý bastaldy.
Eske sala ketelik, budan buryn Atyraýda jol apatynan bir adam mert bolyp, beseýi aýrýhanaǵa túsken bolatyn.
