Atyraýda jol apatynan bir adam mert bolyp, ekeýi aýrýhanaǵa tústi
ATYRAÝ. QazAqparat – Atyraý qalasynda jol-kólik oqıǵasynan bir adam mert bolyp, eki adam aýyr jaraqatpen aýrýhanaǵa tústi, dep habarlaıdy QazAqparat.
Jol-kólik oqıǵasy 3 tamyzda saǵat 14:00 shamasynda «Juldyz» yqshamaýdanynda bolǵan. Sheteldik «Nissan Murano» jáne «Nissan Teana» kólikteri soqtyǵysqan.
Oqıǵa ornynda bir jolaýshy kóz jumdy. Al, 34 jáne 40 jastaǵy eki er adam aýyr jaraqatpen aýrýhanaǵa jetkizildi.
Qazir atalǵan jol-kólik oqıǵasyna baılanysty tergeý bastaldy.
