Atyraýda jol apatynan bir adam mert bolyp, beseýi aýrýhanaǵa tústi
ATYRAÝ. QazAqparat – Atyraý oblysyndaǵy jol apatynan bir adam mert bolyp, beseýi aýrýhanaǵa tústi, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, jol apaty keshe, 14 shildede bolǵan.
«Keshe «Atyraý-Astrahan» (Reseı shekarasy) tas jolynda 21 jastaǵy júrgizýshiniń basqarýyndaǵy «Toyota Ipsum» men rýlde 1957 jyly týǵan azamat bolǵan «Toyota Highlander» kóligi soqtyǵysqan. Jol apatynyń saldarynan bir adam mert bolyp, 5 adam túrli dene jaraqatymen aýrýhanaǵa jetkizildi», - dep habarlady departamenttiń baspasóz qyzmeti.
Qazir atalǵan derekke baılanysty QR Qylmystyq Kodeksiniń 345-babynyń 3-bóligimen sotqa deıingi tergeý júrgizililip jatyr.
Eske sala ketelik, budan buryn Atyraýda jol apatynan bir adam mert bolyp, ekeýi aýrýhanaǵa túskenin habarlaǵan edik.
