Atyraýda jol apatynan bir adam qaza taýyp, segiz adam zardap shekti
ATYRAÝ. QazAqparat - Atyraý oblysynda Dossor-Qulsary jolynda bolǵan jol apatynyń saldarynan bir adam qaza taýyp, segiz adam zardap shekti, onyń ishinde eki bala túrli jaraqatpen aýrýhanaǵa jetkizildi, dep habarlady «QazAqparat» HAA tilshisi.
«Aldyn ala tergeý barysynda «Toyota Hilux Pick Up» kóligi Qulsary jaqtan kele jatqany anyqtaldy. Burylys kezinde júrgizýshi solǵa burylatyny jaıly eskertetin dabyldy qosady. Artynda kele jatqan «Volkswagen Sharan» markaly kólik júrgizýshisi qashyqtyqty saqtap, jyldamdyqty qosady. Alaıda olardyń artynda kele jatqan úshinshi «Volkswagen Sharan» markaly kóliginiń júrgizýshisi aldaǵy kólikti basyp ozbaq nıetpen solǵa burylady.
Róldi basqara almaǵan sońǵy «Volkswagen Sharan» júrgizýshisi qarsy jolaqqa shyǵyp ketip, «Toyota Carina» kóligimen soqtyǵysty. Sonyń saldarynan «Toyota Carina» markaly kóliktiń 36 jastaǵy júrgizýshisi oqıǵa ornynda qaza tapty. Kóliktegi jolaýshy aýrýhanaǵa jetkizildi. «Volkswagen Sharan» kóliginiń júrgizýshisi oblystyq aýrýhanaǵa jetkizildi.
«Іshinde 5 jáne 6 jastaǵy bala bar alty jolaýshy «Dossorǵa» aýrýhanaǵa aparyldy, - dep habarlady ІІD baspasóz qyzmetindegiler.
Jol-kólik oqıǵasy boıynsha QR QK 345-baby 3-bóligi boıynsha sotaldy tergeý júrgizilýde.
