Atyraýda jol apatynan 5 adam qaza tapty
ATYRAÝ. QazAqparat - Atyraýda eki avtomobıldiń soqtyǵysýynan bolǵan jol-kólik apaty saldarynan 5 adam mert boldy, dep habarlaıdy «QazAqparat» HAA tilshisi.
«Jol-kólik apaty beısenbide keshkisin Atyraý-Inder tasjolynyń boıynda Juldyz shaǵynaýdanynda bolǵan. Jartylaı júk tirkemesi bar MAZ Mersedes Gelendvagen kóligimen soqtyǵysyp, jol talǵamaıtyn kóliktegi bes adam qaza tapty. Ol 29 jastaǵy júrgizýshi men 58-80 jas aralyǵyndaǵy jolaýshylar. 41 jastaǵy júk kóliginiń júrgizýshisi túrli jaraqattarmen oblystyq aýrýhanaǵa jetkizildi», - dep habarlady oblystyq ІІD baspasóz qyzmeti.
Baspasóz qyzmetiniń aqparaty boıynsha, qazirgi tańda QK 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi tergeý jumystary júrgizilip jatyr.
