Atyraýda jol apatynan 1 adam mert bolyp, ekeýi aýrýhanaǵa tústi
ATYRAÝ. QazAqparat – Atyraýda jol apatynan 1 adam mert boldy. Aýrýhanaǵa túsken eki adamnyń bireýi jansaqtaý bóliminde jatyr, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetinshe, 15 maýsymda saǵat 20:30 shamasynda «Juldyz» shaǵynaýdanynda «Toyota Hiace» pen «Vaz-21113» kóligi soqtyǵysqan.
«Jol-kólik apatynan «Toyota Hiace» avtókóligigiń 33 jastaǵy jolaýshysy oqıǵa ornynda kóz jumdy. Al, 1991 jyly týǵan jolaýshysy aýrýhanaǵa jetkizildi. Sondaı-aq, «Vaz-21113» avtokóliginiń 1999 jyly týǵan jolýshysy aýrýhananyń jansaqtaý bólimine jatqyzyldy. Eki kóliktiń júrgizýshisi aýrýhanaǵa baryp, dárigerge qaralýdan bas tartty» -dep habarlady departamenttiń baspasóz qyzmeti.
Qazir atalǵan jol apatyna qatysty QR Qylmystyq kodeksiniń 345-babynyń 3-bóligimen sotqa deıingi tergeý amaldary júrgizilýde.
Eske sala ketelik, budan buryn Atyraý oblysyndaǵy Teńiz kenishinde avtobýs pen pıkap soqtyǵysqanyn habarlaǵan edik.
