Atyraýda jol apatyna ushyraǵan 4 jasar bala áli jansaqtaý bóliminde jatyr
ATYRAÝ. QazAqparat - Medıtsına mamandary Atyraýda bolǵan jol apaty kezinde eki týysqan ápkesinen aıyrylǵan 4 jasar balanyń jaǵdaıy týraly aıtyp berdi, dep habarlaıdy «QazAqparat» HAA tilshisi.
«Bala jansaqtaý bóliminde jatyr. Onyń omyrtqasy, oń jaq jambasy synyp, qarnyna keýdesine jáne mıyna zaqym kelgen. Bala áli jansaqtaý bóliminde jatyr. Jaǵdaı aýyr biraq turaqty»,-dep habarlady Atyraý oblystyq balalar aýrýhanasynyń bólim meńgerýshisi Sergeı Hvan.
Aıta keteıik, jol-kólik oqıǵasy ótken senbi kúni qala mańyndaǵy aýyldardyń birinde boldy. Úlken jyldamdyqpen kele jatqan kólik jaıaý júrginshilerge arnalǵan joldyń aldynda turǵan adamdardy soǵyp ótti. Qolyna 3 jastaǵy balasyn ustap turǵan 37 jastaǵy áıel inisin ıterip úlgergen. Alaıda ol da soqqy aldy. Al 3 jastaǵy balasyn ustaǵan áıel oqıǵa bolǵan jerde kóz jumdy. Bolǵan oqıǵa boıynsha qylmystyq is qozǵaldy.
