Atyraýda jol apatyn jasap, qashyp ketken júrgizýshi 30 táýlikke qamaldy
ATYRAÝ. QazAqparat –Atyraý oblysynda kóligimen beton qorshaýǵa soǵylyp, jol-kólik oqıǵasy oryn alǵan jerden qashyp ketken júrgizýshi qamaýǵa alyndy, dep habarlaıdy QazAqparat.
«Atyraý oblysynyń Jylyoı aýdandyq sotynda QR Ákimshilik quqyq buzý kodeksiniń 611-baby 3-bóligi boıynsha A.-ǵa qatysty ákimshilik is qaraldy. Sotta anyqtalǵandaı, A. kólik basqarý quqyǵynan aıyrylǵan adam bola tura, 2019 jyldyń jeltoqsan aıynda Qulsary qalasynda «TOYOTA ALPHARD 2.4» markaly kóligin júrgizgen. Ol avtokólikti tizgindep kele jatyp, jol jıegindegi beton qorshaýdy soqqan. Sol jerde kóligi aýdarylyp qalyp, júrgizýshi oqıǵ ornynan ketip qalǵan« dep málim etti oblystyq sottyń baspasóz qyzmeti.
Sot qaýlysymen A. kináli dep tanylyp, oǵan 30 táýlikke ákimshilik qamaqqa alý túrindegi jaza taǵaıyndaldy.
