Atyraýda joǵalyp ketken er adam óli tabyldy
ATYRAÝ. QazAqparat – Atyraýda joǵalyp ketken 31 jastaǵy er adam óli kúıinde tabyldy, dep habarlaıdy QazAqparat.
Atyraý oblystyq polıtsııa departamentiniń baspasóz qyzmetinen málim etkendeı, 31 jastaǵy er adamǵa týystarynyń shaǵymynan keıin izdeý jarııalanǵan.
«Er adam úıinen kólikpen ketip, qaıtyp oralmaǵan. 16 qazanda iz-túzsiz joǵalǵan 1990 jylǵy er adamnyń denesi Atyraý qalasynyń mańyndaǵy Talǵaıran-2 aýylynda turǵyn úıdiń ishinen tabyldy. Marqumnyń kóligi qalanyń ózge shaǵyn aýdanynda tabyldy. Sot-medıtsınalyq saraptama taǵaıyndaldy», -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq ýodeksiniń 99-babymen (Adam óltirý) sotqa deıingi tergeý júrgizilip jatyr.
Eske sala ketelik, budan buryn Atyraýda 51 jastaǵy turǵyn aýlasynda asylyp qalǵan edi.
