Atyraýda joǵalyp ketken balanyń denesi Jaıyqtan tabyldy
ATYRAÝ. QazAqparat –Atyraýda joǵalyp ketken balanyń denesi Jaıyqtan tabyldy, dep habarlaıdy QazAqparat.
Tótenshe jaǵdaılar departamenti baspasóz qyzmetiniń habarlaýynsha, búgin túnde saǵat 01:56-de 11 jastaǵy balanyń joǵalǵany týraly habar túsken. Joǵalǵan bala Atyraý qalasynyń mańyndaǵy Erkinqala-2 kentinde turǵan. Ol keshe, keshki saǵat 18:00 shamasynda iz-tússiz joǵalǵan.
«Іzdestirý kezinde bala turǵan aýdannyń barlyq mańy tekserilip, jergilikti turǵyndardan surastyryldy. Jaıyq ózeniniń jaǵasynan velosıped pen balanyń zattary tabyldy. Al, saǵat 8:10-da departamenttiń Jedel-qutqarý jasaǵynyń 5 qyzmetkeri, 1 tehnıka, 1 kınologııalyq quram, 1 qaıyǵymen Jaıyq ózeni tekserildi. Ókinishke oraı joǵalǵan balanyń óli denesi ózenniń sýǵa túsýge jabdyqtalmaǵan jerinen tabyldy», - dep habarlady departamenttiń baspasóz qyzmeti.
Eske sala ketelik, budan buryn Atyraý oblysynda 30 jastaǵy jigit sýǵa batyp ketken edi.
