Atyraýda joǵalyp ketken 40 jastaǵy áıel men bir jarym jasar sábı tabyldy

ATYRAÝ. QazAqparat –Atyraýda úıinen shyǵyp, joǵalyp ketken 40 jastaǵy áıel men bir jarym jasar búldirshin tabyldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, 6 tamyzda keshki mezgilde kezekshi bólimine Atyraý qalasynyń turǵynynan shuǵyl habar túsken. Ol 1980 jyly týǵan apasy men óziniń 1,5 jastaǵy qyzynyń saǵat 17:30 shamasynda Qajenbaev kóshesindegi úıinen shyǵyp ketkendigin, sodan keıin qaıta oralmaǵandyǵyn aıtqan.

«Osy derekke baılanysty joǵalǵan adamdardy izdestirýge Atyraý qalalyq polıtsııa basqarmasynyń jeke quramy jumyldyryldy. Búgin, 7 tamyzda saǵat 10:00 shamasynda polıtsııa polkovnıgi Saıfýlla Qazıhanov pen polıtsııa maıory Andreı Chekarev 40 jastaǵy áıel men 1,5 jasar balany «Dına» bazarynyń mańynan tapty. Qazir olar týystarymen tabysty», dep habarlady departamenttiń baspasóz qyzmeti.

Eske sala ketelik, budan buryn Atyraýda balaǵa zorlyq jasamaq bolǵan kúdikti ustalǵan edi.