Atyraýda joǵalǵan sábıdiń denesi káriz rezervýarynan tabyldy

ATYRAÝ. QazAqparat –Atyraýda eki kún buryn joǵalǵan 1,5 jasar balanyń denesi septıkten tabyldy, dep habarlaıdy QazAqparat.

Búgin bul derekti oblystyq polıtsııa departamenti baspasóz qyzmeti rastady.

«Juldyz» shaǵynaýdanyndaǵy úıinen shyǵyp, qaıta oralmaǵan balaqaı qoqys astyndaǵy septıkke túsip ketken.

Kishkentaı búldirshindi izdeýge polıtsııa qyzmetkerlerimen birge, eriktiler, Ulttyq ulan sarbazdary men tótenshe jaǵdaı qyzmetiniń mamandary, qyzmettik ıtter tartylǵan edi. Іzdeý jumystary kezinde «Juldyz» shaǵynaýdanynan Besikti aýylyna deıingi eldi mekenderdiń kósheleri tekserilgen. Saıajaı ýchaskelerine, qaraýsyz qalǵan ǵımarattarǵa, Jaıyq ózeniniń jaǵalaýyna da sholý jasalǵan. Sondaı-aq, arnaıy tehnıkamen kárizdik rezervýarlardyń sýy sorylyp, tekserildi.

«Balaqaı óz úıiniń aýlasyndaǵy káriz rezervýarynan tabyldy. Rezervýar qoqys astynda bolǵan» -dep habarlady polıtsııa departamentiniń baspasóz qyzmeti.

Buǵan deıin Atyraýda 1,5 jasar sábıdiń joǵalǵanyn, ony izdeýge 50 volonter men 400 erikti qosylǵanyn, sondaı-aq dron da qoldanylǵanyn jazǵan edik.

Foto: azh.kz