Atyraýda joǵalǵan kishkene balany izdeýge 400-ge jýyq erikti qosyldy

ATYRAÝ. QazAqparat - Atyraýda keshe túste joǵalyp ketken bir jastan asqan kishkene balany izdeýge 400-ge jýyq erikti qosyldy, dep habarlaıdy QazAqparat.

Keshe túste joǵalǵan bala áli tabylmaı jatyr. Balaqaıdy izdestirý túnimen jaýǵan jańbyrǵa qaramastan toqtaǵan joq.

«Búgin, 21 mamyrda jergilikti ýaqytpen tańǵy saǵat 6:30-da kómekke 400-ge jýyq erikti keldi. Sondaı-aq, izdestirý jumysyna Ulttyq ulannyń 50 sarbazy, polıtsııanyń 100-den astam qyzmetkeri, 50 volonter jumyldyryldy. Olar «Juldyz» shaǵynaýdanyndaǵy 51 kósheni jan-jaqty tekserýge kiristi», - dep oblystyq polıtsııa departamentiniń baspasóz qyzmeti.

Polıtsııa qyzmetkerleri jedel izdestirýdiń ózge de nusqasyn qolǵa alyǵan. Shaǵynaýdan aýmaǵyndaǵy káriz qudyqtary, mańyndaǵy barlyq nysandar tekserilip jatyr.

Eske sala ketelik, keshe Atyraýda túste bir jarym jastaǵy balaqaı joǵalyp ketken edi.

Keshe keshkisin ony izdestirýge 50 volonter jumyldyryldy.