Atyraýda joǵalǵan eki balanyń bireýiniń máıiti tabyldy
ATYRAÝ. QazAqparat – Atyraýda joǵalǵan balalardyń bireýiniń denesi tabyldy, dep habarlaıdy QazAqparat.
Óńirdiń Tótenshe jaǵdaılar departamenti baspasóz qyzmetiniń habarlaýynsha, keshe keshkisin joǵalyp ketken 9 jastaǵy eki balany izdeý jumystary túnde qurǵaqta, tańerteńnen beri sýda júrgizildi.
Іzdeý jumystaryna 36 adam men 6 dana tehnıka jumyldyrylǵan. Balalardyń biriniń denesi Redýt aýylynyń mańyndaǵy kanaldardyń birinen tabyldy. Ekinshi balany izdeý jumystary jalǵasýda.
Osyǵan deıin Atyraýda eki balanyń joǵalyp ketkenin jazǵan bolatynbyz.
Avtor: A. Sokolov
