Atyraýda joǵalǵan 1,5 jastaǵy búldirshindi izdeýge 50 volonter jumyldyryldy
ATYRAÝ. QazAqparat – Atyraýda joǵalǵan 1,5 jastaǵy balaqaıdy izdeýge 50 volonter jumyldyryldy, dep habarlaıdy QazAqparat.
Búgin tús kezinde «Juldyz» shaǵynaýdanynda turatyn otbasynyń 1,5 jastaǵy balasy joǵalyp ketti. Ol áli tabylǵan joq. Balany Atyraý qalalyq polıtsııa basqarmasynyń qyzmetkerleri izdestirip jatyr.
«Endi izdestirý jumysyna volonterlar shtabynan, Azamattyq ortalyq pen «Qyzyl jarty aı» birlestiginen 50 volonter qosyldy. Búldirshin tabylmaıynsha, izdestirý jumystaryn toqtatpaıyz» -dep habarlady qoǵamdyq belsendi Oljas Sultanov.
Onyń aıtýynsha, 1,5 jastaǵy búldirshinniń ata-anasy turatyn úıdiń aınalasy qorshalmaǵan. Bul balanyń kóshege kedergisiz shyǵyp ketýine sebep bolýy múmkin.
Eske sala ketelik, buǵan deıin 1,5 jastaǵy balanyń joǵalǵany týraly habarlaǵan edik.
