Atyraýda jetim balalardyń múliktik quqyǵyn óreskel elemeý deregi anyqtaldy
Atyraý oblystyq prokýratýrasy baspasóz qyzmetinen málim etkendeı, kámeletke tolmaǵandardyń quqyǵy men zańdy múddesiniń saqtalýyna basym baǵyt berilip otyr.
«Atyraý qalasynyń prokýratýrasy Bilim bóliminiń laýazymdy tulǵalary jetim balalardyń múliktik quqyqtaryn óreskel elemegenin anyqtady. «Qazaqstan Respýblıkasyndaǵy bala quqyqtary týraly» Zańǵa sáıkes jergilikti atqarýshy organdar jetim balalardyń úıiniń saqtalýyn baqylaýdy júzege asyrýǵa tıis. Alaıda, 5 jetim balanyń múlkine úshinshi tulǵalarǵa satýǵa zańda kózdelgen shekteýler qoıylmaǵan. Al, bul osy múlikten aıyrý alǵyshartyn týyndatyp otyr. Prokýrorlyq qadaǵalaý is-sharalarymen osy múlikti ıelikten shyǵarýǵa jol berilmedi. Osy sanattaǵy balalardyń quqyqtary prokýratýranyń qatań baqylaýynda bolady», -dep habarlady oblystyq prokýratýranyń baspasóz qyzmeti.
Eske sala ketelik, buǵan deıin Atyraýda ata-ana qamqorlyǵynsyz qalǵan 11 bala úı kezegine qoıylmaǵanyn habarlaǵan bolatynbyz.
Jergilikti ýákiletti organdardyń áreketsizdiginen jetim jáne ata-ana qamqorlyǵyn qalǵan 11 balanyń turǵyn úı kezegine alynbaǵany anyqtaldy. Jasóspirimder balalar úıinen shyǵarylǵan kezde zańǵa sáıkes turǵyn úısiz qalýy múmkin. Sol sebepten, prokýrorlyq den qoıý is-sharalarynan soń 11 adam tıisti esepke alyndy.
