Atyraýda jetim balalar aýyly salynady
ATYRAÝ. QazAqparat - Atyraýda otbasy tıpindegi jańa balalar aýyly salynady, dep habarlaıdy QazAqparat tilshisi.
«Qazirgi kezde otbasy tıpindegi «Shańyraq» balalar úıinde 59 bala tárbıelenip jatyr. Balalar úıi beıimdelgen ǵımarattarda ornalasqandyqtan, jergilikti bılik bizge qolushyn sozyp, qala mańynan 3 gektar jer bóldi. Joba-smetalyq qujattama jumystary júrgizilip jatyr. Sodan soń qurylys bastalady. Aýylda segiz ǵımarat, sportpen aınalysý jáne mádenı sharalar ótkizýge arnalǵan keshen, sport alańy bolady», - deıdi «Shańyraq» balalar úıiniń dırektory Gúlsara Botataeva.
Sondaı-aq bul aýmaqta qosalqy sharýashylyq qurý kózdelip otyr.
