Atyraýda jeti jumysshynyń ólimine qatysty tergeý bastaldy
ASTANA. QazAqparat - Atyraýdaǵy jeti jumysshynyń ólimine qatysty is sotqa deıingi tergep-tekserýlerdiń biryńǵaı tizilimine QR QK 292-babynyń 3-bóligimen («Órt qaýipsizdigi talaptaryn buzý») tirkeldi, dep habarlaıdy «Moı Gorod» portaly Atyraý oblystyq ІІD baspasóz qyzmetine silteme jasap.
Atalǵan bapqa sáıkes, kinálige belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyrý nemese bes jyldan on jylǵa deıingi merzimge bas bostandyǵynan aıyrý jazasy beriledi.
Eske sala keteıik, 2 naýryz kúni Atyraý oblysynda Qarabatan «Gaztýrbınalyq elektr stansysynyń» qurylys aýmaǵynda konteıner tıptes jataqhana órtengeni týraly habarlanǵan bolatyn. Aldymen tórt adamnyń, keıin taǵy eki adamnyń máıiti tabylyp, budan bólek tórt adam aýrýhanaǵa jetkizilgen. Aýrýhanada qatty kúıik shalǵan taǵy bir jumysshy qaıtys bolǵan. Keıinnen, qaza tapqandardyń barlyǵy OQO turǵyndary ekeni anyqtalǵan.
