Atyraýda jeti bala jalyn qushaǵynan qutqaryldy
ATYRAÝ. QazAqparat - Atyraý oblysynyń Maqat kentinde órt sóndirýshiler jalyn sharpyǵan úıden jeti balany qutqardy, dep habarlaıdy QazAqparat tilshisi.
«Maqat aýdandyq №8 órt sóndirý bólimshesiniń dıspetcherlik qyzmetine Jumashev kóshesindegi úılerdiń birinen qoıý tútin shyǵyp jatqany týraly habar keldi. Kezekshi qaraýyl 5 mınýttan soń oqıǵa ornyna shuǵyl jetti. Birinshi qabattaǵy ashana janyp jatqany anyqtaldy. Bes qabatty úıdiń kireberisi tútinge tolǵandyqtan, órt sóndirýshiler shuǵyl túrde adamdardy evakýatsııalaǵan. Joǵarǵy qabattaǵy páterlerdiń birinen jeti bala kóshege shyǵaryldy», - dep málimdedi Atyraý oblystyq TJD baspasóz qyzmeti.
5 adam jáne 1 tehnıka jumyldyrylyp, órt shamamen bir saǵatta sóndirildi.
