Atyraýda jergilikti bıýdjet kirisi 20 mlrd teńgege artyq oryndaldy

ATYRAÝ. QazAqparat – Atyraý oblysynda jergilikti bıýdjet kirisi 20 mlrd teńgege artyq oryndaldy, dep habarlaıdy QazAqparat.

Bul týraly Atyraý oblysy boıynsha memlekettik kirister departamenti basshysynyń orynbasary Beken Shanaev málim etti.

«Jergilikti bıýdjetke kiris boljamy byltyr 350,4 mlrd teńge kóleminde josparlaǵan edi. Ótken jyldyń qorytyndysymen bıýdjetke 371,1 mlrd teńge kóleminde naqty tólem tústi. Bıýdjettiń kiris boljamy 20,7 mlrd teńgege artyǵymen oryndaldy», - deıdi departament basshysynyń orynbasary Beken Shanaev.

Onyń aıtýynsha, pandemııaǵa baılanysty 187 myńǵa jýyq adamdy jumyspen qatyp otyrǵan 12 myńǵa tarta shaǵyn jáne orta bıznestiń sýbektisi salyqtar men áleýmettik tólemderden bosatylǵan. Sondaı-aq, departamentke 953 079 memlekettik qyzmet kórsetilgen. Onyń ishinde 928 162 qyzmet nemese 97,4 paıyzy elektrondy túrde usynylǵan.