Atyraýda jer úı otqa orandy
ATYRAÝ. QazAqparat - Búgin Atyraý qalasyndaǵy Jarbosynov kóshesinde ornalasqan jer úıde órt boldy, dep habarlaıdy QazAqparat tilshisi.
Kúndizgi saǵat 11.00-de áleýmettik jelide órttiń beınejazbasy paıda boldy. Kýágerlerdiń aıtýy boıynsha, oqys oqıǵa bir qabatty jer úıde bolǵan.
«Búgin «Jarbosynov, 12» mekenjaıy boıynsha ornalasqan aýmaǵy 180 sharshy metrdi quraıtyn jeke turǵyn úıde órt boldy. Qaza tapqandar men zardap shekkender joq. Órtti aýyzdyqtaýǵa TJ departamentiniń bólimsheleri men erikti órt sóndirý qurylymdarynan barlyǵy 5 tehnıka men 26 qyzmetker jumyldyryldy. Qyzyl jalyn saǵat 14.01-de tolyǵymen sóndirildi. Qazirgi tańda órttiń shyǵý sebepteri anyqtalýda», - dep habarlady oblystyq tótenshe jaǵdaılar departamentiniń baspasóz ortalyǵy.
