Atyraýda Jeńistiń 75 jyldyǵyna oraı «Taǵzym alleıasy» ashyldy
«Taǵzym alleıasyn» ashýǵa oblys ákimi Mahambet Dosmuhambetov pen Atyraý qalasynyń ákimi Qaırat Orazbaev qatysty.
Bul alleıa oblys pen qala ákimdikteriniń bastamasymen ashylǵan. Munda Jeńis Ekinshi dúnıejúzilik soǵys qaharmandaryna arnalǵan 14 bıýst ornatylǵan. Olardyń arasynda Keńes Odaǵynyń batyrlary, Halyq qaharmany men «Dańq» ordeniniń tolyq ıegerleri bar. Bıýst qoladan quıylyp, tuǵyrtasy granıtten jasalǵan.
«Jeńis» saıabaǵy ár jyldary merekelik ataýly kúnderge oraı jańartylyp keledi. Bıyl saıabaqtyń aýmaǵy keńeıtilip, kúrdeli jóndeý jumystary jasalýda. Saıabaqtyń janyna 1000-ǵa jýyq alma aǵashy otyrǵyzylyp, 3800 sharshy metr gazon tóselip jatyr» -dedi Atyraý qalasynyń ákimi Qaırat Orazbaev.
Onyń aıtýynsha, «Taǵzym alleıasyna» jergilikti kásipkerler demeýshilik jasaǵan, bıýdjetten qarjy jumsalmaǵan.
