Atyraýda jeńil kólikpen soqtyǵysqan mototsıkl júrgizýshisi ajal qushty
ATYRAÝ. QazAqparat – Atyraýda mototsıkl júrgizýshisi «Lada» jeńil kóligimen soqtyǵysyp, ajal qushty. Al onymen mińgesken jolaýshy jaraqat aldy, dep habarlaıdy QazAqparat tilshisi.
Oblystyq PD baspasóz qyzmeti habarlaǵandaı, oqıǵa qala mańyndaǵy Jumysker aýylynda bolǵan. Tasjolda avtokólik pen mototsıkl soqtyǵysqan. Mototsıkl júrgizýshisi oqıǵa kezinde qaza taýyp, onymen birge kele jatqan jolaýshy túrli dene jaraqatyn alǵan. Qazirgi kezde ol oblystyq aýrýhanaǵa jatqyzylǵan. «Lada» júrgizýshisi japa shekpegen.
Oblystyq PD taratqan málimetke saı, osy oqıǵa boıynsha QR QK 345-baby boıynsha sotqa deıingi tergeý júrip jatyr.
