Atyraýda jeńil kólikpen soqtyǵysqan avtobýs órtenip ketti

ATYRAÝ. QazAqparat – Atyraý qalasynda jeńil kólikpen soqtyǵysqan avtobýs órtendi, dep habarlaıdy QazAqparat tilshisi.

Búgin Atyraý qalasyndaǵy Taımanov jáne Álıev kósheleriniń qıylysynda Hyundai Sonata markaly avtokólik pen PAZ avtobýsy soǵysyp qaldy. Uıymdardyń birine tıesili avtobýs órtengen.

«Soqtyǵysqan kezde avtobýsta júrgizýshi men úsh jolaýshy bolǵan. Eshqaısysy zardap shekpegen. Jeńil kólik júrgizýshisi medıtsına qyzmetkerleriniń kómegine júgindi. Tekseristen ótkennen keıin úıine jiberildi», - dep habarlady aımaqtyq polıtsııa departamentiniń baspasóz qyzmeti.

Mekemedegiler birqatar saraptama taǵaıyndalǵanyn atap ótti.