Atyraýda jeńil kólik Jaıyqqa batyp ketti
ATYRAÝ. QazAqparat – Atyraýda taǵy bir jeńil kólik Jaıyq ózenine batyp ketti, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, oqys oqıǵa 17 naýryzda Almaly aýylynyń tusynda bolǵan.
«Keshki mezgilde «VAZ 2115» markaly kóliginiń júrgizýshisi Almaly aýylynyń tusynan Jaıyq ózeni arqyly Besikti eldi mekenine ótpek bolǵan. Alaıda, ózen muzy oıylyp, kólik sýǵa batyp ketken. Oqıǵa ornyna jedel qutqarý jasaǵynyń 7 súńgýir qutqarýshysy jetti. Olar 16 metr tereńdikke batqan kólikke arqandy bekitti. Sodan soń sý astyndaǵy kólik júk tıegish traktormen jaǵaǵa shyǵaryldy», - dep habarlady departamenttiń baspasóz qyzmetinen.
Eske sala ketelik, buǵan deıin Atyraýda jeńil kólik Jaıyqqa batyp ketkenin habarlaǵan bolatynbyz.
