Atyraýda jeńil kólik órtenip ketti
ATYRAÝ. QazAqparat – Atyraý qalasynda jeńil kólik órtenip ketti, dep habarlaıdy QazAqparat.
Oblystyq polıtsııa departamentinen málim etkendeı, kólik órti 16 qarashada saǵat 19:22 shamasynda bolǵan.
«Atyraý-Inder baǵytyna qatynaıtyn tas joldyń boıyndaǵy Aqsaı-2 eldi mekeniniń tusynda «VAZ-2110» markaly jeńil kólik órtendi. Oqıǵa ornyna jedel jetken órt sóndirýshiler jalyndy sóndirdi» -dep habarlady departamenttiń baspasóz qyzmeti.
Atalǵan kólik órtinen zardap shekkender men mert bolǵandar joq. Degenmen, oblystyq tótenshe jaǵdaılar departamentiniń qyzmetkerleri júrgizýshilerge kólik órtiniń aldyn alý úshin eskertý jasap otyr.
«Kólik órtiniń deni elektr jelisiniń qysqa tuıyqtalýynan bolady. Bul ásirese, alys jolǵa shyqqanda, nemese qozǵalyp kele jatqanda qaýip tóndiredi. Sol sebepten, kóliktiń ózdiginen órtenýine jol bermeý úshin elektr jelisin jıi tekserýden ótkizip turý qajet» -dep málim etti departamenttiń baspasóz qyzmetinen.
Eske sala ketelik, buǵan deıin Atyraý oblysynda kóktaıǵaqtyq saldarynan eki kólik soqtyǵysyp, bir jolaýshy aýrýhanaǵa túskenin habarlaǵan bolatynbyz.
