Atyraýda jeńil kólik qaqqan eki jasóspirim aýrýhanaǵa jetkizildi
Jol-kólik oqıǵasy keshe, 5 maýsymda jergilikti ýaqytpen saǵat 18:00 shamasynda bolǵan.
«Atyraý qalasyndaǵy A.Baıtursynov-Afanasev kósheleriniń qıylysynda Toyota Verso markaly avtokóligi 2 jasóspirimderdi qaǵyp qulatty. Jol-kólik oqıǵasynyń saldarynan zardap shekken jasóspirimder Atyraý oblystyq balalar aýrýhanasyna jetkizildi», -dep habarlady Atyraý qalalyq polıtsııa basqarmasynan.
Qazir polıtsııa qyzmetkerleri atalǵan jol-kólik oqıǵasyna baılanysty tıisti is qujattaryn jınaqtap jatyr.
«Jazǵy demalystyń bastalýyna baılanysty turǵyn úı alaby men kóshelerde samokat jáne velosıped tizgindegen jasóspirimderdiń kóbeıdi. Osyǵan baılanysty júrgizýshilerden jolda júrý erejesin qatań saqtap, abaı bolýdy eskertemiz», -dep málim etti polıtsııa basqarmasynan.
Eske sala ketelik, budan buryn Atyraýda KamAZ kóligi qaqqan 6 jasar bala mert bolǵanyn habarlaǵan edik.
Atyraý qalasynyń Juldyz-2 shaǵynaýdanynda KamAZ júk kóligi velosıpedpen kele jatqan 6 jasar balany qaǵyp ketkeni anyqtaldy. Kólik qaqqan bala oqıǵa ornynda kóz jumdy.
Keıin jantúrshigerlik jol apatynan keıin rýldegi jasóspirim aýrýhanaǵa túskenin jazǵan bolatynbyz.
Atyraý qalalyq polıtsııa basqarmasy patrýldik polıtsııa batalony komandıriniń orynbasary Ersin Qojahmetovtiń aıtýynsha, munaıly shahardan Damby baǵytyna qatynaıtyn joldyń Qyzylbalyq eldi mekeni tusynda eki kólik soqtyǵysqan.
Onyń biri – VAZ – 2141, ekinshisi – Honda Odyssey kóligi. Kóliktiń birin kámeletke tolmaǵan jasóspirim basqarǵan. Jasóspirimniń jasy – 17-de bolǵan.
Jedel járdem brıgadasy oqıǵa ornynda bir eresek adam men bir jasóspirimge alǵashqy medıtsınalyq kómek kórsetti. Zardap shekkender ártúrli dene jaraqatymen oblystyq aýrýhana men oblystyq balalar aýrýhanasyna jetkizildi.
