Atyraýda jel aýyl ákimdigi men týbdıspenserdiń shatyryn ushyryp ketti
ATYRAÝ. QazAqparat - Atyraýda jeldiń saldarynan aýyl ákimdigi men oblystyq týbdıspenserdiń shatyrynyń jartysy ushyp ketti, dep habarlaıdy QazAqparat.
«26 mamyrda Atyraýda jyldamdyǵy 18 m/s bolatyn ekpindi jeldiń saldarynan oblystyq týberkýlez dıspanseriniń shatyry ushyp ketti. Qıraǵan shatyrdyń aýmaǵy 500 sharshy metrdi quraıdy. Medıtsınalyq mekeme shatyrynyń jalpy aýmaǵy - 1092 sharshy metr. Sondaı-aq, Maqat aýdany Báıgetóbe aýylyq ákimdigi ǵımaratynyń 150 sharshy metr bolatyn shatyryn jel ushyryp jiberdi», - delingen óńirlik TJD baspasóz qyzmetiniń habarlamasynda.
Oqıǵalardan eshkim zardap shekpegen.
Foto:mgorod.kz
