Atyraýda jekpe-jekten álem chempıonaty ótedi
ASTANA. QazAqparat - Atyraýda jekpe-jekten álem chempıonaty ótedi, dep habarlaıdy QazAqparat tilshisi óńirlik kommýnıkatsııalar qyzmetine siltememen.
Sport dodasynyń ashylý saltanaty 1 jeltoqsanda - Tuńǵysh Prezıdent kúni ótedi. Bul saıys Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasyn júzege asyrý sheńberinde uıymdastyrylǵan.
Oblystyq Jekpe-jek federatsııasynyń prezıdenti Madıhan Bekpenbetov osy saıysqa 20 shaqty alys jáne jaqyn shet elderden sportshylar keletinin málimdedi.
Saıys 10 salmaq kategorııasy boıynsha ótedi. Shaqyrtylǵan sportshylardan basqa, kórermenderge arnap estrada jáne sport juldyzdarynyń qatysýymen shoý-baǵdarlama daıarlanýda.
Atap ótetin jaıt, bundaı saıys Qazaqstanda buryn-sońdy bolmaǵan.
