Atyraýda jeke turǵyn úılerdiń aýlasynda saryshaıan qaptady
ATYRAÝ. QazAqparat – Atyraýda jeke turǵyn úılerdiń aýlasynda saryshaıandar paıda boldy, dep habarlaıdy QazAqparat.
Saryshaıandardyń paıda bolǵanyna alańdaýshylyq bildirgen turǵynnyń biri – Danııar Áýbekerov. Qazir ol Atyraý qalasyndaǵy «Nursaıa-3» shaǵynaýdanynda turady.
«Qazir saryshaıandar máselesi kórshilerdiń arasynda jıi talqylanatyn taqyrypqa aınaldy. Kórshilerimizdiń keıbiriniń aýlasynda bul jándiktiń birneshe túri kezdesken. Saryshaıannyń eki adamdy shaqqany belgili bolyp otyr. Zardap shegýshiniń biri – eresek er adam, ekinshisi – bala. Meniń balalarym da úıimizdiń aýlasynan saryshaıandy kórgenin aıtty. Biz olarǵa saryshaıannyń qaýipti ekeni týraly eskertip qoıǵanbyz. Sol sebepten, olar saqtanyp júrdi», - deıdi Danııar Áýbekerov.
Onyń aıtýynsha, saryshaıandar Atyraý qalasy mańyndaǵy Erkinqala, Jumysker eldi mekenderinde de baıqalǵan.
