Atyraýda jeke turǵyn úıde jylý qazandyǵy jaryldy
ATYRAÝ. QazAqparat – Atyraýda jeke turǵyn úıde jylý qazandyǵy jaryldy. Úsh adam aýrýhanaǵa jatqyzyldy, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetinen málim etkendeı, jarylys búgin, 10 qarashada túngi saǵat 1:24-te bolǵan.
«Atyraý qalasynyń Balaýsa shaǵyn aýdanyndaǵy №24 kóshede ornalasqan jeke turǵyn úıde tabıǵı gazben jylytý qazandyǵynda gaz-aýa qospasynyń jarylysy boldy. Jarylystyń saldarynan jalpy kólemi 120 sharshy metr bolatyn turǵyn úı otqa orandy. Turǵyn úıdiń tóbe jabyndysy men bólmeleri tolyqtaı órtenip ketti. Órt saǵat 2:15-te oqshaýlanyp, saǵat 2:40-ta óshirildi» -dep habarlady departamenttiń baspasóz qyzmeti.
Jalynnyń saldarynan 3 adam – 19 jastaǵy eki jigi pen 22 jastaǵy boıjetken zardap shegip, oblystyq aýrýhanaǵa jatqyzyldy. Órtti sóndirýge departamenttiń qutqarý qyzmetinen 16 qyzmetker men 6 tehnıka, jedel járdem brıgadasy 9 adam men 3 tehnıka, oblystyq polıtsııa departamentinen 8 adam jáne 3 tehnıka jumyldyryldy.
