Atyraýda jedel járdem stansasyna 18 kólik berildi
ATYRAÝ. QazAqparat –Atyraý oblysynda jedel járdem stansasyna 18 kólik berildi, dep habarlaıdy QazAqparat.
Oblys ákimi Mahambet Dosmuhambetov oblystyq medıtsınalyq jedel járdem stantsııasyna jańa 18 kólikti tabys etti.
Oblystyq densaýlyq saqtaý basqarmasy baspasóz qyzmetiniń málimetinshe, jedel járdem kólikteri naýqasqa alǵashqy medıtsınalyq kómek kórsetýge arnalǵan qajetti quralmen-jabdyqtarmen qamtamasyz etilgen. Medıtsınalyq jedel járdem kólikteri «QDB-Lızıng» esebinen alyndy.
«Jańa kólikterdiń segizi aýdandardaǵy emdeý mekemelerine jiberiledi. Al 10 avtokólik Atyraý qalasyndaǵy turǵyndardyń jedel shaqyrtýyna qyzmet kórsetedi dep josparlanýda. Qazir oblysta 93 jedel járdem kóligi bar. Onyń 46-sy bıyl alyndy. Jedel járdem stantsııasyn arnaýly kólikpen qamtý 100 paıyzǵa jetti. Mundaǵy jedel járdem kólikteriniń 70 paıyzy jańardy. Eski degen medıtsınalyq kólikter osydan 2-3 jyl buryn kelgen» -dep habarlady basqarmanyń baspasóz qyzmeti.
Sondaı-aq, kelesi jyly respýblıkalyq bıýdjet qarajaty esebinen qosymsha 60 sanıtarlyq avtokólikpen qamtý josparlanyp otyr.
Eske sala ketelik, budan buryn Atyraý oblysynda 5 aýdanǵa jańa jedel járdem kólikteri berilgenin habarlap edik.
