Atyraýda jedel járdem kólikteri 100 paıyz jańardy

ATYRAÝ. QazAqparat –Atyraý oblysynda jedel járdem kólikteri 100 paıyzǵa jańardy, dep habarlaıdy QazAqparat.

Búgin oblystyq medıtsınalyq jedel járdem stansasy taǵy 20 medıtsınalyq kólikpen

tolyqty. Stansa dırektory Baýyrjan Tólegenniń aıtýynsha, jańa kólikter «QDB –

lızıng» esebinen alynyp otyr.

«Jańa avtokólikterdiń úsheýi aýdandarǵa jiberiledi. Al, 17 kólik Atyraý qalasyndaǵy

jedel járdem stansasyna beriledi. Qazir táýligine 700-750 shaqyrtý túsedi. Pandemııa

órshigen tusta qońyraýlar sany 1700-ge deıin jetken edi», - deıdi Baýyrjan Tólegen.

Búginde jańa 66 jedel járdem medıtsınalyq kóligi bar. Onyń ishinde 46-sy ótken jyly alynǵan.

«Óńirde COVID-taksı joq. Onyń ornyna jedel járdem stansanyń kóligi shaqyrýǵa

barady. Olar shuǵyl shaqyrtýǵa 12-13 mınýtta jetedi», -deıdi Baýyrjan

Tólegen.