Atyraýda jedel járdem kóligi aýdarylyp, feldsher aýrýhanaǵa tústi
ATYRAÝ. QazAqparat – Atyraýda jedel járdem brıgadasynyń kóligi aýdarylyp, feldsher aýrýhanaǵa tústi, dep habarlaıdy QazAqparat.
Jol-kólik apaty búgin, 13 jeltoqsanda saǵat 11:00 shamasynda «Vodnıkovo-2» eldi mekeninde bolǵan.
Jedel járdem jáne «Volkswagen Touareg» kólikteri atalǵan eldi mekendegi 2-shi jáne 8-kóshelerdiń qıylysynda soqtyǵysqan. Sonyń saldarynan jedel járdem brıgadasynyń kóligi aýdarylyp qalǵan.
«Jol apatynan keıin oblystyq aýrýhananyń qabyldaý bólimine 1994 jylǵy feldsher tústi. Qazir ol neırohırýrgııa bólimshesi dárigerleriniń baqylaýyna alyndy. Oǵan qajetti em-dom sharasy kórsetilip jatyr. Dárigerler naýqastyń jaǵdaıyn turaqty dep baǵalap otyr. Kontýzııa alǵan, beti men jaǵynda jaraqaty bar», -dep málim etti basqarmanyń baspasóz qyzmetinen.
Eske sala ketelik, budan buryn Atyraýda kópirden sekirgen jasóspirim qyzdyń jaǵdaıy aýyr ekenin habarlaǵan edik.
