Atyraýda jedel járdem kóligi aýdaryldy
ATYRAÝ. QazAqparat - Atyraýda jedel járdem kóligi «Mersedespen» soqtyǵysyp, aýdarylyp tústi, dep habarlaıdy QazAqparat tilshisi.
«Jol apaty búgin túnde Sátbaev dańǵylynda bolǵan. Jedel járdem kóligi keri burylys jasap, basty jolǵa shyqqan. Osy jolmen «Mersedes» markaly avtomobıl de kele jatqan. Eki kólik soqtyǵysyp, sonyń saldarynan «jedel járdem» bir búıirine aýdarylǵan. Jol apaty faktisi boıynsha QR Ákimshilik kodeksiniń 610-baby 1-bóligi boıynsha hattama toltyryldy», - dep habarlady Atyraý oblystyq ІІD baspasóz qyzmetinen.
Málim bolǵandaı, jol apaty kezinde kólikterdiń árqaısysynda eki adamnan bolǵan. Olardyń barlyǵy medıtsınalyq tekserýden ótip, úılerine qaıtaryldy.
