Atyraýda jedel járdem kóligi apatqa ushyrap, medbıke kóz jumdy
ATYRAÝ. QazAqparat - Atyraýda jedel járdem kóligi avtomobılmen soqtyǵysyp, saldarynan medbıke kóz jumdy, dep habarlaıdy QazAqparat.
«Aqparat kezekshi bólimge saǵat 10:09-de tústi. Jedel qyzmet kórsetetin brıgada oqıǵa ornyna saǵat 10:15-de jetti. Kele jatqan jolda jedel járdem kóligi avtomobılge soqtyǵysqan. Saldarynan 4 adam zardap shekti. Medbıke oqıǵa ornynda kóz jumdy. Al jedel járdem ishindegi patsıent ortasha aýyrlyqtaǵy jaraqatpen aýyrýhanaǵa jatqyzyldy», - dedi Atyraý oblysy densaýlyq basqarmasynyń baspasóz qyzmeti.
Qalǵan eki zardap shegýshi týraly aqparat joq. Oqıǵanyń mán-jaıy anyqtalýda.
