Atyraýda jedel járdem kóligi apatqa ushyrap, eki jolaýshy aýrýhanaǵa tústi
ATYRAÝ. QazAqparat – Atyraý qalasynda jedel járdem kóligi jol apatyna ushyrap, eki jolaýshy aýrýhanaǵa tústi, dep habarlaıdy QazAqparat.
Jol-kólik oqıǵasy keshe, 30 qańtarda keshki saǵat 21:40 shamasynda bolǵan.
Atyraý qalasyndaǵy H.Dosmuhamedov-I.Taımanov kósheleriniń qıylysynda «Toyota Camry» kóligi baǵdarshamnyń jasyl túsine ótip bara jatqan. Sol kezde oń jaǵyndaǵy «LADA Largus» jedel járdem kóligimen túıisip qalǵan. Soqqynyń ekpinimen jedel járdem kóligi jol jıegindegi jol belgisine soǵylǵan.
«Kóshe qıylysyndaǵy jol apatynyń saldarynan jedel járdem kóligindegi eki jolaýshy ár túrli dene jaraqatyn alǵany belgili boldy. Zardap shekkender oblystyq aýrýhanaǵa jetkizildi», -dep habarlady oblystyq polıtsııa departamentiniń baspasóz qyzmeti.
Qazir jol-kólik oqıǵasyna baılanysty tergep-tekserý bastaldy.
Eske sala ketelik, buǵan deıin Atyraý oblysynda jol apatynan bes adam mert bolǵanyn habarlaǵan edik.
