Atyraýda jazasyn ótep shyqqan 109 adam jumyspen qamtyldy
ATYRAÝ. QazAqparat - 2019 jyly Atyraý oblysynda qylmystyq jazasyn ótegenderdi eńbekke tartý maqsatynda 10 bos oryndar jármeńkesi uıymdastyrylǵan, dep habarlaıdy QazAqparat tilshisi.
Shara barysynda qatysýshylarǵa «Eńbek» baǵdarlamasynyń múmkindikteri jóninde keńinen málimetter berildi. Nátıjesinde «Bastaý Bıznes» jobasy boıynsha kásipkerlik negizderine - 2 adam, qaıta daıarlaý kýrstaryna - 57 adam joldanylyp, 13 adam turaqty jumysqa ornalasqan.
«Bas bostandyǵynan aıyrý oryndarynan bosap shyqqan azamattardyń keleshekte qylmysqa qaıtyp oralmaýy – qoǵam úshin asa mańyzdy. Sol sebepti, búginde sottalǵandar arasynda qaıta qylmystyq quqyq buzýshylyq sanynyń ósý jaǵdaıyn joıý maqsatynda 2020 jylǵa arnalǵan keshendi is-sharalar jospary jasaqtalyp, bekitildi», - deıdi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Serik Qamıdolla.
