Atyraýda jaz mezgilinde 300-den astam kóshege asfalt tóseledi
ATYRAÝ. QazAqparat - Jaz mezgilinde Atyraýda 311 kóshege asfalt tóseledi, dep habarlaıdy QazAqparat.
«Oblys ortalyǵynda uzaqtyǵy 1593 km bolatyn 1781 kósheniń 948-ine asfalt tóselgen. Búginde jol jóndeý jumystary 79 kóshede júrgizilýde. Oblystyq bıýdjetten joldardy jóndeýge 7,8 mlrd teńge, kúrdeli jóndeýge 3,9 mlrd teńge bólingen. Aǵymdaǵy qurylys naýqanynda taǵy 311 jolǵa jóndeý júrgizý josparlanǵan. Sonymen qatar qala mańyndańy 11 eldi mekendegi 207 kósheniń jóndeý jumystarynyń jobalyq-smetalyq qujattaryn daıyndaýǵa konkýrstyq sharalary atqarylýda»,-dep habarlady Atyraý oblysy jolaýshylar kóligi jáne avtomobıl joldary basqarmasynyń jetekshisi Qaırat Nurtaev.
