Atyraýda Jaıyqtyń saǵasy men soltústik Kaspııdiń biregeı tabıǵatyn saqtaýǵa baǵyttalǵan qarar qabyldandy
ATYRAÝ. Qyrkúıektiń 15-i. QazAqparat /Andreı Sokolov/ - Atyraýda «Jaıyq ózeniniń saǵasy men Kaspıı teńiziniń soltústik bóliginiń bıoáralýandylyqty saqtaý» degen taqyrypta respýblıkalyq ǵylymı-praktıkalyq konferentsııa bolyp ótti.
Jumysyna ekologtar, ǵalymdar, úkimettik emes uıymdardyń ókilderi qatysqan konferentsııanyń maqsaty Jaıyq ózeni saǵasy men Kaspıı teńiziniń qazaqstandyq jaǵalaýy florasy men faýnasynyń qazirgi jaı-kúıin taldaý, sonymen qatar, ósip otyrǵan antropogendik jáne tehnogendik áser jaǵdaıynda tabıǵat baılyqtaryn saqtaýǵa jáne tıimdi paıdalanýǵa arnalǵan qajetti is-sharalardy ázirleý boldy.
Konferentsııada sonymen qatar, Jaıyq saǵasy men soltústik Kaspııdiń biregeı tabıǵatyn saqtaý problemalary qaraldy. Konferentsııaǵa qatysýshylar aımaqtaǵy ekonomıkalyq qyzmettiń biregeı flora men faýnaǵa teris yqpalyn barynsha azaıtýǵa múmkindik beretin is-sharalardyń tutas keshenin oryndaý jóninde qarar qabyldady.
