Atyraýda Jaıyqty tazalaýǵa qoǵam belsendileri de atsalysady
ATYRAÝ. QazAqparat - Búgin oblystyq ákimdikte oblys ákiminiń birinshi orynbasary Serik Shapkenovtyń qatysýymen balyqtyń jappaı qyrylýyn tekserýge arnalǵan vedomstvoaralyq komıssııanyń májilisi ótti, dep QazAqparat.
Májilis barysynda málim bolǵanyndaı, eki kún ishinde arnaýly avtobaza, oblystyq orman sharýashylyǵy jáne janýarlar álemi, balyq sharýashylyǵy basqarmalarynyń qyzmetkerlerimen jarty tonnaǵa jýyq (493 kg.) óli balyq jınalyp, aktilengen soń, joıyldy.
Mamandardyń aıtýynsha, shara kezinde alynǵan barlyq málimetter quqyqqorǵaý organdaryna tapsyrylyp, atalmysh fakti boıynsha budan buryn kóterilgen qylmystyq iske qosylady eken.
Atyraý oblystyq balyq sharýashylyǵy basqarmasynyń basshysy Artýr Sádibekuly habarlaǵanyndaı, «Amangeldi» balyq kooperatıviniń kemesi Damby men Temir jol kópiri aralyǵyndaǵy ózen betindegi muzdy jaryp shyqqan eken. .
«Budan ári tabıǵat paıdalanýshy kásiporyndardyń ózende paıdalanatyn tehnıkasymen búkil ózenniń boıyndaǵy óli balyq jınalady»,- dedi ol.
Atyraý oblysynyń birinshi orynbasary Serik Shapkenov jınalǵandarǵa atap ótkenindeı, vedomstvoaralyq komıssııa birqatar jumysty atqaryp, bolǵan oqıǵanyń sebep-saldaryn jiti qadaǵalap, jaǵdaıǵa naqtyly qadaǵalaý ornatqan.
«Ártúrli arandatýshylyqqa jáne astyrtyn túrde kedergi keltirýshilerge jol bermeýimiz kerek. Qazirgi ýaqytta tergeý qupııalylyǵyn saqtaý maqsatynda keıbir jáıttardy jarııa ete almaımyz. Eń bastysy, ne bolǵanyn habarlaý emes, Jaıyqty qutqarý. Osyny esten shyǵarmaıyq. Jaǵdaı oblystaǵy barlyq quzyrly organdardyń jáne aımaq basshylyǵynyń nazarynda, - dedi Serik Shapkenov.
Balyq sharýashylyǵy basqarmasynyń basshysy Artýr Sádibekulynyń málimetterinshe, ózen jaǵalaýyn óli balyqtan tazartý úshin mamandarǵa kómektesýge qoǵamdaǵy belsendi azamattardan bastamashyl top qurylypty.
«Bul óte oryndy jáne ýaqytyly bastama eken, olarǵa qoldaý kórsetýimiz kerek. Biraq, eń aldymenen, qaýipsizdik jaǵdaıyn da esten shyǵarmaǵan abzal. Jaǵalaýda Tótenshe jaǵdaıldar departamenti, mamandar balyqty ózennen jınaýy kerek, al eriktiler jaǵalaýda, qaýipsiz aımaqta tazartqany durys»,- dedi Serik Shapkenov.
Májilis qorytyndysymen 10 naýryzda ózendi óli balyqtan tazartýǵa shyqqan adamdardyń saǵat 10. 00-de jınalý úshin 4 oryn belgilendi.
Uıymdastyrýshylardyń habarlaýynsha, barlyq jerlerde de Tótenshe jaǵdaılar jónindegi departamenttiń, «Arnaıy avtobaza» JShS mamandarynyń kezekshi qosyndary qyzmet kórsetip, ózendi tazalaý úshin tehnıkamen, qural- jabdyqtarmen qamtamasyz etiledi.
