Atyraýda Jaıyqqa batyp ketken jigitti taba almaı jatyr
ATYRAÝ. QazAqparat –Atyraýda Jaıyq ózenine batyp ketken jigitti izdep jatyr, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń habarlaýynsha, oqys oqıǵa keshe, 3 shildede bolǵan.
«Keshe keshten beri qutqarýshylar Jaıyq ózeniniń Aqsaı kenti tusynda izdestirýdi bastady. Atalǵan eldi mekenniń mańynda 44 jastaǵy er adam Jaıyq ózenine batyp ketken. Aldyn ala málimetke sáıkes, ol ózenniń arnaıy jabdyqtalmaǵan jerinde shomylǵan» -dep habarlady TD baspasóz qyzmeti.
Ókinishke qaraı, izdestirý jumysy ázirge nátıje bergen joq.
Eske sala ketelik, buǵan deıin Atyraýda kólik jóndeý ortalyǵy órtengenin jazǵan edik.
