Atyraýda Jaıyqqa batyp ketken jigit tabylmaı jatyr
ATYRAÝ. QazAqparat – Atyraýda Jaıyq ózenine batyp ketken jigit tabylmaı jatyr, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń habarlaýynsha, keshe, 13 maýsymda Jaıyq ózeniniń Geolog kenti tusyndaǵy jaǵalaýynda 27 jastaǵy jigit sýǵa batyp ketken. Ol dostarymen birge ózen jaǵalaýynda demalǵan. Biraq, arnaıy jabdyqtalmaǵan jerde sýǵa túsken.
«Keshe saǵat 17:10-da sýǵa ketken jigittiń denesin izdestirý bastaldy. Ókinishke oraı, ázirge izdestirý jumysy nátıje bergen joq. Jedel qutqarý jasaǵy izdestirýdi jalǵastyrýda» -dep habarlady departamenttiń baspasóz qyzmeti.
Eske sala ketelik, budan buryn Atyraýda joǵalyp ketken balanyń denesi Jaıyqtan tabylǵanyn, sondaı-aq, 48 jastaǵy er adamnyń sýǵa ketkenin jazyp edik.
