Atyraýda Jaıyqqa batyp bara jatqan er adam qutqaryldy

ATYRAÝ. QazAqparat – Atyraý qalasynda Jaıyq ózenine batyp bara jatqan er adam qutqaryldy, dep habarlaıdy QazAqparat.

Oblystyq Tótenshe jaǵdaılar departamentiniń málimetine qaraǵanda, oqys oqıǵa 27 shildede saǵat 17:00-de Jaıyq ózeniniń jaǵalaýynda bolǵan.

«Jedel jasaqtyń qutqarýshylary Jaıyq ózeniniń jaǵasynda kúndelikti şolý kezinde er adamnyń sýǵa batyp bara jatqanyn baıqap qalǵan. Jasaqtyń bas qutqarýshysy Rınat Aıbekov pen qutqarýshy Asqar Hamıt qaıyqqa otyryp, dereý kómekke umtylady. Olar sýǵa batqan adamdy qutqaryp, jaǵaǵa alyp shyqty», - dep habarlady departamenttiń baspasóz qyzmeti.

Sýǵa batqan 42 jastaǵy er adam mas kúıinde shomylmaq bolǵan.

Eske sala ketelik, Atyraýda sýǵa ketken 41 jastaǵy er adamnyń denesi tabylǵan edi.