Atyraýda Jaıyq jaǵasynan byltyrǵy qańtarda urlanǵan qarý-jaraqtar tabyldy
Oblystyq polıtsııa departamentiniń baspasóz qyzmetinen málim etkendeı, qańtar oqıǵasy kezinde urlanǵan qarý-jaraqtar 28 aqpanda taylǵan.
«Polıtsııa qyzmetkerleri «Qarý» jedel-profılaktıkalyq is-sharasy kezinde Jaıyq ózeniniń Aqsaı eldi mekeni tusyndaǵy jaǵalaýynan qańtar oqıǵasy kezinde urlanǵan qarý-jaraqtyń saqtalǵan jerin anyqtady. Tekserý kezinde oblystyq polıtsııa departamentiniń jedel áreket etetin arnaıy jasaǵyna tıesili «Fort – 500M» markaly myltyǵy, 3 dana 12 mm kalıbrli patron, 2 dana «GSZ DK-130 SG» markaly granata, 1 dana «PR 54» rezeńke taıaqsha men jeke qorǵanys quraldary, oq ótpeıtin keýdeshe, kaskalar tabyldy», -dep habarlady departamenttiń baspasóz qyzmeti.
Qazir urlanǵan qarý-jaraqtardyń tabylǵanyna baılaanysty QR Qylmystyq kodeksiniń 287-babynyń 2-bóligimen qylmystyq is qozǵaldy. Sotqa deıingi tergep-tekserý jumystary bastaldy.
Ózge aqparat QR Qylmystyq-protsestik kodekstiń 201-babyna sáıkes jarııalaýǵa jatpaıdy.
Eske sala ketelik, budan buryn Jaıyq ózeniniń jaǵasynan qarý men oq-dáriler tabylǵanyn habarlaǵan bolatynbyz.
Atyraý qalalyq polıtsııa basqarmasynyń 102 jelisine shahar turǵyny Jaıyq ózeniniń jaǵalaýynan qapshyqqa oralǵan qarý tárizdes zat pen oq-dárilerdi kórgeni týraly habarlaǵan. Osyǵan oraı jedel tergeý tobymen oqıǵa ornynda tekserý júrgizgen.
Jaıyq jaǵalaýynan tabylǵan qapshyqta qos aýyzdy tegis uńǵyly qarý men oq-dáriler bolǵan.
Sondaı-aq, Qańtar oqıǵasyna qatysqan 27 atyraýlyqtyń isine qatysty sot úkimi shyqqanyn jazǵan edik.
