Atyraýda Jaıyq ózeniniń jaǵasynan 28 tonna qoqys jınaldy
ATYRAÝ. QazAqparat –Atyraýda oblystyq jáne qalalyq ákimdikterdiń, sondaı-aq, kvazısektordyń qyzmetkerleri qatysqan senbilikte Jaıyq ózeniniń oń jaǵalaýynan 28 tonna qoqys jınaldy, dep habarlaıdy QazAqparat.
Atyraý qalalyq ákimdiginiń habarlaýynsha, buǵan deıingi bir aptanyń ishinde shahar aýmaǵynan 500 tonnadan astam qurylys qaldyǵy shyǵaryldy. Al, bir kúnniń ishinde Jaıyq ózeniniń oń jaǵalaýyndaǵy Amanshın, Ysmaǵulov kósheleri men Aqsaı eldi mekeni 45 tonna qoqystan tazartyldy.
«Qazirgi ýaqytta qala aýmaǵyn qurylys qaldyqtarynan tazartý jumystary júrgizilýde. Biz turǵyndardan qurylys qaldyqtaryn polıgonǵa aqysyz alýǵa sheshim qabyldadyq. Sebebi, dalaǵa qoqys shyǵarýdyń saldarynan stıhııalyq polıgondar paıda bolady. Oblystyq polıtsııa departamentimen birlesken arnaıy reıdter barysynda sanıtarlyq jáne ekologııalyq normalardyń buzylýyn anyqtap, turǵyndarǵa eskertý berildi. Aldyn ala eskertýden keıin onnan astam turǵyn men kommertsııalyq nysan ıeleri eskertýlerdi óz betinshe joıdy. Al, 16 materıal polıtsııaǵa tıisti shara qoldaný úshin jiberildi» - dedi «Spetsavtobaza» JShS-niń dırektory Almas Іztileýov.
