Atyraýda Jaıyq ózeniniń jaǵalaýy janyp jatyr
ATYRAÝ. QazAqparat – Atyraý qalasynda taǵy da Jaıyq ózeniniń jaǵalaýy janyp jatyr, dep habarlaıdy QazAqparat.
Oblystyq tótenshe jaǵdaılarlar departamentiniń baspasóz qyzmeti bul derekti rastady.
Jaıyq jaǵalaýy maýsym aıy bastalǵaly beri 4 márte órtendi.
Departamenttiń dıspetcherlik pýltine búgin, 24 maýsymda jergilikti ýaqytpen saǵat 11:14-te Jaıyq ózeniniń jaǵalaýy órtengeni týraly habar túsken.
«Jaıyq ózeniniń «Turǵyn úı qalashyǵy» shaǵynaýdanyndaǵy jaǵalaýynda qurǵaq butalar men qamys qopasy órtengen. Qazir órt sóndirýshiler jalyndy sóndirip jatyr», -dep habarlady departamenttiń baspasóz qyzmeti.
Eske sala ketelik, budan buryn Atyraýda Jaıyq ózeniniń jaǵalaýy órtengen bolatyn.
