Atyraýda Jaıyq ózeniniń ústindegi kópirdiń biri jabylady
ATYRAÝ. QazAqparat – Atyraý qalasynda Jaıyq ózeniniń ústindegi kópirdiń biri jabylady, dep habarlaıdy QazAqparat.
Atyraý qalalyq ákimdigi baspasóz qyzmetiniń málimetine súıensek, 13 tamyzda jóndeý jumystaryna baılanysty «Balyqshy-Jumysker» baǵytyndaǵy kópirde avtokólik qozǵalysyn toqtatý kózdelgen.
«Jóndeý kezinde kópir qurylymynyń deformatsııalyq qosylystaryn demontajdaý jáne aýystyrý, sondaı-aq, qozǵalys qaýipsizdigin qamtamasyz etý maqsatynda shuńqyrlardy jamaý josparlanyp otyr. Qaıta jańartý jumystaryna baılanysty Qunanbaev kóshesinen bastap «Balyqshy-Zaroslyı» baǵytymen qatynaıtyn tas jolda avtokólik qozǵalysy toqtatylady. Osy oraıda, avtokólik júrgizýshileri qala joldarynda keptelis týdyrmaý úshin qozǵalys baǵytyn aldyn ala josparlaýy qajet» -dep habarlady ákimdiktiń baspasóz qyzmeti.
Eske sala ketelik, budan buryn kópjylǵy aǵashtar tamyrymen kóshirilgenin jazǵan bolatynbyz.
