Atyraýda Jaıyq ózeniniń muzyn jarý jumysy júrgizildi
ATYRAÝ. QazAqparat – Atyraýda mamandar Jaıyq ózeniniń muzyn jardy, dep habarlaıdy QazAqparat.
Oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti basshysynyń orynbasary Samat Qumashevtiń aıtýynsha, Jaıyq ózeniniń saǵasynda muz qalmaǵan. Buǵan aýa raıynyń jylynýy men jańbyrdyń jaýýy sebep bolǵan.
Al, Atyraý qalalyq ákimdigi adamdardyń qaýipsizdigi úshin Jaıyq ózeniniń muzyn buzýǵa kirisý týraly sheshim qabyldaǵan. Osyǵan baılanysty 17 naýryzda Damba aýylynyń tusynan muzdy jarý bastalǵan. Oǵan balyq aýlaý kooperatıviniń kateri tartylǵan.
«Búgin, 18 naýryzda ózenniń Jumysker aýylynyń tusyna deıingi muzy jaryldy. Jaıyqtyń keı tusynda muzdyń qalyńdyǵy 10-12 sm-di quraıdy. Bul katerdiń qozǵalysyna azdaǵan qıyndyq týdyrady. Soǵan qaramastan ózenniń muzy Geolog eldi mekeniniń tusyna deıin jarylad» -dedi Samat Qumashev.
Eske sala ketelik, budan buryn Atyraý oblysynda jeńil kólik Jaıyqqa batyp ketkenin habarlaǵan edik.
