Atyraýda Jaıyq ózeninen zańsyz qurylǵan 41 torly aý tárkilendi

ATYRAÝ. QazAqparat – Atyraýda Jaıyq ózenine zańsyz qurylǵan 41 torly aý tárkilendi, dep habarlaıdy QazAqparat.

«Jaıyq-Kaspıı» oblysaralyq basseındik balyq sharýashylyǵy ınspektsııasynyń basshysy Nurlybek Ǵaısınniń aıtýynsha, Jaıyq ózenin zańsyz aý quraldarynan tazartý kúndiz jáne túngi mezgilde júrgizilip jatyr.

«Máselen, 29 tamyzda Jaıyq ózeniniń Damby eldi mekeni tusynda sý astynan zańsyz qurylǵan 41 torly aý quraly tabyldy. Brakonerlik aý quraldary hattamaǵa sáıkes tárkilendi. Torly aýǵa shyrmatylyp qalǵan usaq balyqtar tiri kúıinde sý aıdynyna qaıta jiberildi. Osyǵan baılanysty 7 adamǵa QR Ákimshilik quqyq buzý kodeksiniń 383-babynyń 1-tarmaǵymen ákimshilik hattama toltyryldy», -deıdi Nurlybek Ǵaısın.

Eske sala ketelik, buǵan deıin Atyraýda Jaıyq ózeninen brakonerler qurǵan 12 torly aý shyǵarylǵanyn habarlaǵan edik.